Calculadora de huella hídrica- Gallego

💧 Calculadora da pegada hídrica 

Sabías que non toda a auga que utilizamos é visible? Cada alimento que comemos, cada peza de roupa que vestimos e cada dispositivo que usamos precisan grandes cantidades de auga para seren producidos, aínda que nunca a vexamos saír da billa. A isto chamámoslle pegada hídrica.

Esta calculadora é un xogo interactivo e educativo que che axudará a descubrir, de forma sinxela e aproximada, canta auga invisible hai detrás dos teus hábitos cotiáns. A través de preguntas sobre a túa alimentación, o consumo, o uso da auga ou a tecnoloxía, poderás reflexionar sobre como as nosas decisións diarias teñen un impacto tanto local como global.

⚠️ Importante: o resultado que obterás non é un dato exacto nin unha medición real, senón unha estimación orientativa pensada para aprender, comparar hábitos e tomar conciencia. O obxectivo non é xulgar, senón entender e mellorar.

Ao final do xogo recibirás:

• unha explicación clara da túa pegada hídrica aproximada

• consellos personalizados para reducila

• un reto ou unha acción concreta para pasar da aprendizaxe á acción

👉 Anímaste a descubrir a túa pegada hídrica e converterte nun axente de cambio?

Este recurso forma parte do proxecto NAMANA – Conexión solidaria: acción local, impacto global, e está deseñado para traballar a educación para o desenvolvemento sostible, o consumo responsable e os Obxectivos de Desenvolvemento Sostible, especialmente o ODS 6 (Auga limpa e saneamento).